Micene | ||
![]() | ||
Die Leeupoort by Micene. | ||
Plaaslike naam | Μυκῆναι Μυκήνη | |
Land | ![]() | |
Soort | Nedersetting | |
Geskiedenis | ||
Tydperk | Bronstydperk | |
Kulture | Antiek-Grieks | |
Bewoners | Sowat 30 000 | |
Unesco-wêrelderfenisgebied | ||
Tipe | Kultureel | |
Kriteria | i, ii, iii, iv, vi | |
Verwysing | 1999 (23ste sessie) | |
Streek† | Europa en Noord-Amerika | |
Beskrywing* | Argeologiese terrein van Micene en Tiryns | |
† Streek soos deur Unesco geklassifiseer. * Naam soos op die Wêrelderfenislys |
Micene of Mukene (Grieks: Μυκῆναι, Mykēnai, of Μυκήνη, Mykēnē) is ’n argeologiese terrein in Griekeland. Dit is sowat 90 km suidwes van Athene op Noordoos-Peloponnesos. Argos is 11 km suid daarvan en Korinthe 48 km noord.
In die tweede millennium v.C. was Micene een van die belangrikste sentrums van die Griekse beskawing, ’n militêre vesting wat ’n groot deel van Suid-Griekeland oorheers het. Die deel van die Griekse geskiedenis tussen omstreeks 1600 en 1100 v.C. word die Miceense tydperk genoem met verwysings na Micene. Op sy hoogtepunt in 1350 v.C. het die sitadel en onderdorp ’n bevolking van 30 000 gehad en ’n oppervlakte van 32 hektaar.[1]